Artsakhpress

Տնտեսական

Հունվար-հոկտեմբեր ամիսներին աճել են պետբյուջեի մուտքերը. ֆինանսների նախարարություն

Ընթացիկ տարվա հունվար-հոկտեմբեր ամիսների ընթացքում Արցախի Հանրապետության պետական բյուջե մուտքագրված հարկային եկամուտները և տուրքերը կազմել են 43 միլիարդ 998 միլիոն 100 հազար դրամ` պլանավորված 43 միլիարդ 100 միլիոն դրամ ցուցանիշը գերազանցելով 2.1 %-ով կամ 898 միլիոն 100 հազար դրամով:

Հունվար-հոկտեմբեր ամիսներին աճել են պետբյուջեի մուտքերը. ֆինանսների նախարարություն

Հունվար-հոկտեմբեր ամիսներին աճել են պետբյուջեի մուտքերը. ֆինանսների նախարարություն
ՍՏԵՓԱՆԱԿԵՐՏ, 8 նոյեմբերի, ԱՐՑԱԽՊՐԵՍ: Այս մասին «Արցախպրես»-ին տեղեկացրին ԱՀ ֆինանսների նախարարությունից՝ նշելով,  որ նախորդ տարվա նույն ցուցանիշը գերազանցել են 45.2 %-ով կամ 13 միլիարդ 691 միլիոն 600 հազար դրամով:
Աղբյուրի հաղորդմամբ՝ ավել հավաքագրված գումարից 10 միլիարդ 441 միլիոն 400 հազար դրամը պայմանավորված է «Բեյզ Մեթըլս» ՓԲԸ-ի կողմից վճարված հարկային եկամուտների աճով, իսկ 3 միլիարդ 250 միլիոն 200 հազար դրամը ապահովվել է Հանրապետությունում արձանագրված տնտեսական աճի և հարկային մարմնի կողմից իրականացված հետևողական վարչարարության արդյունքում:
Ընդ որում, պլանային առաջադրանքները գերակատարվել են բոլոր եկամտատեսակների գծով և կատարվել հարկ վճարողներին սպասարկող բոլոր ստորաբաժանումների կողմից:

     

Քաղաքական

Տնտեսական

Հասարակական

Ռազմական

Search