Artsakhpress

Մշակույթ

Ստեփանակերտում տեղի է ունեցել մշակութային կոնֆերանս

«Վիկտորիա» բարեգործական հիմնադրամի նախաձեռնությամբ նախօրեին Ստեփանակերտում տեղի է ունեցել մշակութային կոնֆերանս, որին մասնակցում էին հայ և արտասահմանյան մշակութային գործիչներ:

Ստեփանակերտում տեղի է ունեցել մշակութային կոնֆերանս

Ստեփանակերտում տեղի է ունեցել մշակութային կոնֆերանս
ՍՏԵՓԱՆԱԿԵՐՏ, 14 հունիսի, ԱՐՑԱԽՊՐԵՍ«Արցախպրես»-ի թղթակցի հաղորդմամբ՝ կոնֆերանսին բացման խոսքով հանդես է եկել «Վիկտորիա» բարեգործական հիմնադրամի ղեկավար Գայանե Գեորգյանը:
Նա նշել է, որ դեռևս ընթացիկ տարվա մարտ ամսին կայացած «Աշխարհի երեխաներն ընդդեմ պատերազմի» ծրագրի ժամանակ եղել են մի շարք խնդիրներ, որոնք անհրաժեշտ էր ուսումնասիրել և ճիշտ հասկանալ առաջ շարժվելու կոնցեպցիան:
«Այս միջոցառումը հնարավորություն է, որպեսզի դրսի հետ ակտիվ համագործակցություն ստեղծվի: Բացի դրանից, պետք է հայ և արտսահմանյան մշակութային գործիչների շնորհիվ հնարավորություն ստեղծենք Արցախը տարբեր միջազգային հարթակներում ներկայացնելու: Կոնֆերանսին բարձրացված հիմնական խնդիրներից է Արցախում վերապատրաստման դասընթացների և նյութատեխնիկական բազայի պակասը»,- նշել է Գ. Գեորգյանը:
Միջոցառմանը ներկա Մերձավոր Արևելքում Արցախի մշտական ներկայացուցիչ Կարո Քեբաբջյանն էլ ողջունել է նախաձեռնությունը և պատրաստակամություն հայտնել աջակցելու իրականացվող ծրագրերին:
«Սա մարտավարական նշանակություն ունեցող ծրագրի մեկնարկ է, որի նպատակն է Արցախը ներկայացնել իր պատմությունով, մշակույթով, բնիկ ժողովրդի ապրելու իրավունքով: Այսօր Արցախին օգնելը պարզապես խոսելով չպետք է լինի, այլ պետք է գործնականում քայլեր ձեռնարկենք, ներգրավենք մասնագետների և Արցախը ճանաչելի դարձնենք աշխարհին մշակույթի և գիտության ոլորտներում»,- ավելացրել է Կ. Քեբաբջյանը:
 
Ֆրանսիացի արվեստաբան Սառա Լապորտն էլ նշել է, որ 25 տարի առաջ է սկսել հայ արվեստը ուսումնասիրել: Այդ ժամանակից ի վեր ի վեր նա հետաքրքրված է Արցախում, Հայաստանում և Եվրոպայում գործող արվեստի տարբեր տեսակներով:
Ս. Լամպորտը կարևորել է ազգային մշակույթի պահպանումը՝ ընդգծելով, որ պետք է ուղի բացել դեպի Եվրոպա և ցույց տալ աշխարհին, թե ինչպես են Արցախում ապրող մարդիկ պահպանում և զարգացնում իրենց ժառանգությունը:
Իսկ «Մենք ենք մեր սարերը» ազգագրական  երգի-պարի պետական համույթի գեղարվեստական ղեկավար, արվեստի  վաստակավոր   գործիչ  Գարի  Ավանեսյանն ասել է, որ Արցախում համույթները հանդես են գալիս նոր ծրագրերով, սակայն պետք է հնարավորություն ստեղծել աշխարհին ևս ներկայանալու:
Նա նշել է, որ ամեն պետություն աշխարհին ճանաչելի է դառնում իր մշակույթով, և այս առումով անհրաժեշտ է զարգացնել համագործակցությունը:
Կոնֆերանսին ներկա արվեստագետները հանդես են եկել մի շարք առաջարկներով՝ դրանք հետագայում կյանքի կոչելու տեսլականով:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Առաջնագծում զինծառայող է զոհվել․ ևս մեկը վիրավոր է

Նիկոլ Փաշինյանը և Բակո Սահակյանը հանդիպել են Արցախի նախագահական ընտրություններին իրենց թեկնածությունն առաջադրող գործիչների հետ

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Աննա Հակոբյանը Մեհրիբան Ալիևային հրավիրել է Արցախ

Արմեն Սարգսյանը ցավակցական հեռագիր է հղել Վլադիմիր Պուտինին

«Զինվորի կերպարը շահարկելով փորձում են միավորներ հավաքել». Ղարաբաղ Տելեկոմ

Հայկական երկու հանրապետությունների ղեկավարներն այցելել են հանրապետության հյուսիսային սահմանագիծ

Search