Հուլիսի 1-7-ը Երևանի «Դինամո» մարզական հասարակական կազմակերպությունում տեղի է ունեցել բռնցքամարտի կրտսեր տարիքի պատանիների Հայաստանի Հանրապետության բռնցքամարտի առաջնություն, որին Արցախի բռնցքամարտի ֆեդերացիայից մասնակցել են 5 մարզիկ:
Արցախի մարզիկները ՀՀ բռնցքամարտի առաջնությունում գրավել են մրցանակային տեղեր
ՍՏԵՓԱՆԱԿԵՐՏ, 10 հուլիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է Արցախի բռնցքամարտի ֆեդերացիայի մարզիչ Գևորգ Թորոսյանը:
Առաջնությանը մասնակցում էին շուրջ 220 մարզիկ: Արցախի 5 մարզիկներից 44.5 կգ քաշային կարգում երկրորդ մրցանակային տեղ է զբաղեցրել Գոռ Բեգլարյանը (Ասկերանի շրջանի Իվանյան համայնք)՝ արժանանալով արծաթե մեդալի: Իսկ 65 կգ քաշային կարգում՝ Տարոն Սարգսյանը (Ստեփանակերտ) և 43 կգ քաշային կարգում Արթուր Սարգսյանը (Հադրութ) գրավել են 3-րդ մրցանակային տեղեր՝ արժանանալով բրոնզե մեդալների:
Առաջնությանը մասնակից Էրիկ Առստամյանին և Վանուշ Աբրահամյանին չի հաջողվել գրավել մրցանակային տեղեր:
Մարզիչի խոսքով՝ առաջնությունում գրանցած արդյունքները լավ են:
