Artsakhpress

Սփյուռք

Հույս ունենք, որ Ավստրալիայի կառավարությունն ապագայում կճանաչի Արցախի անկախությունը․ Գլեդիս Բերեջիկլյան (տեսանյութ)

Ավստրալիայի Նոր Հարավային Ուելս նահանգի վարչապետ Գլեդիս Բերեջիկլյանի խոսքով՝ Հայաստան իր այս այցի շրջանակում նկատել է՝ հայ ժողովրդի մոտ դրական սպասումներն ավելացել են:

Հույս ունենք, որ Ավստրալիայի կառավարությունն ապագայում կճանաչի Արցախի անկախությունը․ Գլեդիս Բերեջիկլյան (տեսանյութ)

Հույս ունենք, որ Ավստրալիայի կառավարությունն ապագայում կճանաչի Արցախի անկախությունը․ Գլեդիս Բերեջիկլյան (տեսանյութ)
ՍՏԵՓԱՆԱԿԵՐՏ, 22 հուլիսի, ԱՐՑԱԽՊՐԵՍՆա Tert.am-ի հետ զրույցում նշել է, որ իհարկե, չի կարող համեմատել Հայաստանն իր երկրի՝ Ավստրալիայի հետ՝ պատմություններն են տարբեր, բայց հույս ունի, լավատես է, որ հայ ժողովրդի վիճակն էլ կարող է լավանալ:
«Այս անգամ իսկապես նկատում եմ, որ հայ ժողովուրդը մեծ հույս ունի ապագայի նկատմամբ և ավելի լավ է ապրում»,- ասել է նա:
Նրա կարծիքով՝ հիմա Հայաստանի դիրքը կարող է բարձրանալ միջազգային ասպարեզում: «Արդեն շատերը տեսնում են, թե ինչ փոփոխություններ են տեղի ունեցել Հայաստանում և ինչ խաղաղ ձևով: Շատերը հարցնում են՝ այս ի՞նչ երկիր է, ի՞նչ փոփոխություններ է անցկացրել, ի՞նչ պատմություն ունի, ու՞ր է գնում: Կարծում եմ՝ միջազգային մեծ հետաքրքրություն է առաջացել Հայաստանի նկատմամբ, ինչը լավ է»,- ասել է նա՝ նշելով, որ շատերը, այդքանը հաշվի առնելով, գուցե մտածեն՝ իրենք էլ գան Հայաստան, այստեղ բիզնես հիմնեն, ներդրումներ անեն:
Գլեդիս Բերեջիկլյանը հավատացրել է, որ իր պաշտոնավարման ընթացքում կակտիվանան Հայաստանի և Ավստրալիայի պաշտոնյաների միջև փոխայցելությունները: Նա նաև նշել է, որ այդ հարցն արդեն քննարկել է Հայաստանի բարձրաստիճան այրերի հետ:
«Հուսամ, որ մեր հանդիպումներն առաջիկայում կլինեն  պաշտոնական մակարդակով: Հիմա ես եկել եմ որպես անպաշտոն անձնավորություն, շատ ուրախ ձևով, բայց հույս ունեմ, որ կկարողանանք ավելի պաշտոնական կերպով հարաբերություններ ստեղծել, անշուշտ, Ավստրալիայի և Հայաստանի կառավարության, բայց նաև՝ իմ նահանգի հետ: Իմ նահանգն ամենամեծն է Ավստրալիայում՝ ամենամեծ բնակչությամբ, ես վստահ եմ, որ ապագայում կարող ենք մեր հարաբերություններն ավելի պաշտոնական մակարդակի վրա դնել»,- ասել է նա:
Նոր Հարավային Ուելսը ճանաչել է Հայոց ցեղասպանությունն ու Արցախի անկախությունը: Գլեդիս Բերեջիկլյանի խոսքով՝ ավստրալական համայնքն ամեն ինչ անում  է, որ երկիրն ամբողջությամբ աջակից լինի Հայաստանի համար այս կարևոր հարցերում: 

«Իմ նահանգը ճանաչել է Հայոց ցեղասպանությունը, բայց ոչ իմ շնորհիվ, 20 տարի առաջ է եղել: Իմացեք, որ մեր նահանգում նախկին վարչապետերը, նախկին կուսակցությունների առաջնորդները՝ բոլորն ընդունել են Հայոց ցեղասպանությունը: Նույնիսկ մեր խորհրդարանի պարտեզում ունենք Հայոց ցեղասպանության զոհերի հիշատակին նվիրված հուշարձան: Իմ նահանգը նաև ճանաչել է Արցախի անկախության պայքարը: Հույս ունենք, որ Ավստրալիայի կառավարությունը ևս ապագայում կճանաչի Արցախի անկախությունը: Բայց պետք է ասեմ, որ Ավստրալիայի քաղաքականությունը շատ տարբեր է Հայաստանի քաղաքականությունից: Երկրների քաղաքական հարաբերությունները տարբեր են, այդ պատճառով Ավստրալիան չի ընդունել այս հարցերը, բայց հույս ունենանք, որ մոտ ապագայում դրանք կընդունվեն»,- ասել է նա:

Մանրամասները տեսանյութում․

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Առաջնագծում զինծառայող է զոհվել․ ևս մեկը վիրավոր է

Նիկոլ Փաշինյանը և Բակո Սահակյանը հանդիպել են Արցախի նախագահական ընտրություններին իրենց թեկնածությունն առաջադրող գործիչների հետ

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Աննա Հակոբյանը Մեհրիբան Ալիևային հրավիրել է Արցախ

Արմեն Սարգսյանը ցավակցական հեռագիր է հղել Վլադիմիր Պուտինին

«Զինվորի կերպարը շահարկելով փորձում են միավորներ հավաքել». Ղարաբաղ Տելեկոմ

Հայկական երկու հանրապետությունների ղեկավարներն այցելել են հանրապետության հյուսիսային սահմանագիծ

Search