Artsakhpress

Հասարակական

Վերջին տարիներին բարձրացել է երիտասարդների ակտիվության մակադակը.փոխնախարար

Երիտասարդությանն առնչվող հարցերի վերաբերյալ տեղեկացվածության բարձրացմանը միտված միջազգային այս օրը մենք ևս մեկ անգամ գիտակցում ենք, որ երիտասարդությունը հասարակության այն հատվածն է, որն անմիջապես իր <<կաշվի վրա>> է զգում երկրում տեղի ունեցող ցանկացած փոփոխություն՝ լինի դրական, թե բացասական:

Վերջին տարիներին բարձրացել է երիտասարդների ակտիվության մակադակը.փոխնախարար

Վերջին տարիներին բարձրացել է երիտասարդների ակտիվության մակադակը.փոխնախարար
ՍՏԵՓԱՆԱԿԵՐՏ, 12 օգոստոսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ մշակույթի, երիտասարդության հարցերի և զբոսաշրջության փոխնախարար Գայանե Գրիգորյանը:
Նա նշել է, որ երիտասարդությունը պետք է իրազեկվի իրեն վերաբերող ծրագրերի մասին, որպեսզի իր անմիջական մասնակցությունն ունենա դրանցում:
«Յուրաքանչյուր երկրում իրագործվում են երիտասարդական տարբեր ծրագրեր, որի նպատակն է երիտասարդների ներգրավվածությամբ լուծել նրանց վերաբերող խնդիրները: Երիտասարդության շրջանում տեղեկատվության տարածման ու դրա մատչելիության ապահովման համար, որպես տեղեկատվական-քարոզչական ծրագիր, Արցախի Հանրապետության մշակույթի, երիտասարդության հարցերի և զբոսաշրջության նախարարության «Տեղեկատվական շտեմարան» ծրագրի շրջանակներում ստեղծվել է youngartsakh.am կայքէջը, որը կապող օղակ է հանդիսանում երիտասարդության և հանրապետությունում գործող տարբեր պետական և ոչ պետական կառույցների միջև` ապահովելով տեղեկատվության հասանելիություն և մատչելիություն։ Ավելի արագ տեղեկատվությունը տարածելու համար այն տեղադրում ենք նաև սոցիալական ցանցերում՝ հետադարձ կապ ապահովելու համար: Վերջին երկու տարիների ընթացքում նկատելիորեն բարձրացել է երիտասարդների ակտիվության մակադակը: Անգնահատելի է մեր երիտասարդության դերը երկրի անվտանգության ու անկախության պահպանման ու պաշտպանման , ազգի գոյատևման գործում: Ցավոք, առայժմ սրանք են այն կարևորագույն խնդիրները, որոնք ծառացած են յուրաքանչյուրիս առջև և որոնք լուծվում են հենց երիտասարդների անմիջական մասնակցությամբ: Հայրենիքին նվիրվելը հայ երիտասարդի համար ամենակարևոր առաքելությունն է, հայրենիքի պաշտպանը՝ամենաբարձր կոչումը: Արցախում վերջերս տեղի ունեցած խոշոր միջազգային և համահայկական երկու միջոցառումների՝ Համահայկական 7-րդ ամառային խաղերի ու CONIFA-2019 ֆուտբոլի առաջնության ժամանակ կարևոր դերակատարություն են ունեցել մեր երիտասարդ կամավորները, ովքեր կարճ ժամանակահատվածում կարողացել են գերազանց կատարել իրենց առջև դրված խնդիրները»,-ասել է նա:
Գ.Գրիգորյանը երիտասարդության միջազգային տոնի առթիվ շնորհավորել է երիտասարդներին, շնորհակալություն հայտնել նրանց ակտիվ համագործակցության համար՝ մաղթելով  քաջառողջություն, խաղաղ երկինք և միասնություն:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -45-:

     

Քաղաքական

Հասարակական

Ռազմական

Search