Artsakhpress

Մշակույթ

Արցախում կբացվի կինոդպրոց

«Հայկական կինոյի ինդուստրիալ զարգացման» մշակութային հիմնադրամը, Արցախի Հանրապետության կրթության, գիտության և սպորտի նախարարության աջակցությամբ՝ Արցախի տեղեկատվական տեխնոլոգիաների կենտրոնում ընթացիկ տարվա հոկտեմբերի 1-ից հիմնում է «Innovation Նորարարական Կինոդպրոց»:

Արցախում կբացվի կինոդպրոց

Արցախում կբացվի կինոդպրոց
ՍՏԵՓԱՆԱԿԵՐՏ, 20 սեպտեմբերի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ կրթության, գիտության և սպորտի նախարարության մամուլի քարտուղար Ծովինար Բարխուդարյանը և ավելացրել, որ կինոդպրոցի նպատակն է նորարարական համակարգչային ծրագրերի միջոցով սովորեցնել կինոարվեստի ոլորտում սկսնակներին/մասնագետներին նշված մասնագիտության արդիական ծրագրերին:
«Ուսուցման գործընթացը, ինչպես նաև տեսությունները կառուցվելու են իրական նկարահանող խմբի աշխատանքի մոդելով՝ արտադրական բոլոր փուլերում։ Ուսուցման նյութը, պրակտիկ վարժությունները տրվելու են ուսանողներին ժամանակագրական կարգով` համապատասխանաբար արտադրական փուլերին։ Կինոդպրոցի ուսուցման հիմնական մոդուլներն են՝ ծանոթություն կինոյի պատմությանը, կինոլեզվի հիմունքները, միզանսցենաների կառուցման սկզբունքները, ժամանակակից արդիական ծրագրերի ուսանում, ծանոթություն կինոարտադրության պրոցեսի հետ»,- նշել է Ծ. Բարխուդարյանը:
ԱՀ ԿԳՍ մամուլի քարտուղարի խոսքով՝ ուսուցման պրոցեսը կառուցված է իրական նկարահանման խմբի սկզբումքով՝ կինոարտադրության բոլոր փուլերում, մասնավորապես՝ սցենարի զարգացում, նախապատրաստական, նկարահանման և հետարտադրական փուլեր, դիստրիբուցիա:
Մեր զրուցակիցը նշել է, որ կինոդպրոցի դասավանդողի պարտականությունները ստանձնելու համար անհրաժեշտ են մանկավարժներ: Կինոարվեստի ոլորտում մասնագիտացումը պարտադիր չէ՝ ծրագրին մասնակցելու համար: Նորարարական համակարգչային ծրագրերի ուսանումը և ծրագրի իրականացման համար անհրաժեշտ վերապատրաստումն իրականացվելու է արտերկրից ժամանած մասնագետի կողմից:
 
Նշենք, որ մանրամասն տեղեկությունների համար ցանկացողները կարող են զանգահարել /097/21-79-21 հեռախոսահամարին կամ գրել ԱՀ ԿԳՍՆ ֆեյսբուքյան պաշտոնական էջին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -45-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Խոշոր ավտովթար Մարտունի-Ննգի-Ստեփանակերտ ավտոճանապարհին

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Արցախի նորընտիր նախագահն աշխատանքի է գնալու էլեկտրամոբիլով

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Կարեն Դանիելյանը նշանակվել է Արցախի նախագահի աշխատակազմի ղեկավար

Հայտնի է Արցախի նոր կառավարության և պետական կառավարման այլ մարմինների կառուցվածքը

Մարտական դիրքում գլխի շրջանում ստացած հրազենային վնասվածքից զինծառայող է մահացել

Արայիկ Հարությունյանն ու Սամվել Բաբայանը համագործակցության հուշագիր են ստորագրել

Search