Արցախի Հանրապետության գյուղատնտեսության նախարարության նախաձեռնությամբ հոկտեմբերի 13-ին մայրաքաղաք Ստեփանակերտի Վերածննդի հրապարակում կկազմակերպվի գյուղատնտեսական մթերքների ցուցահանդես-վաճառք՝ նվիրված գյուղատնտեսության աշխատողի մասնագիտական տոն օրվան:
Հոկտեմբերի 13-ին Ստեփանակերտում կկազմակերպվի Բերքի տոն
ՍՏԵՓԱՆԱԿԵՐՏ, 1 հոկտեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրույցում ԱՀ գյուղատնտեսության նախարարության տեղեկատվության և հասարակայնության հետ կապերի բաժնի պետ Կարեն Միրզոյանն ասել է, որ այդ օրը Վերածննդի հրապարակում կներկայացվեն հանրապետության բոլոր շրջանների, ինչպես նաև՝ առաջին անգամ Հայաստանի Հանրապետության մարզերի բերքն ու բարիքը, վերամշակողների լավագույն արտադրանքը:
«Այս տարի ստացել ենք Բերքի տոնի մասնակցության ավելի քան 500 հայտ:Վերածննդի հրապարակում կտեղադրվեն համապատասխան քանակով տաղավարներ, որտեղ մարդիկ կներկայացնեն իրենց գյուղատնտեսական արտադրանքը:Տոնին յուրաքանչյուր շրջան հանդես է գալու իր մշակութային ծրագրով:Միջոցառման մեկնարկը կտրվի առավոտյան ժամը 8:00-ին»,-մասնավորապես, ասել է նա:
Ըստ Կ.Միրզոյանի՝ այս տարի Բերքի տոնին նախորդող օրերին Մարտունու շրջանի Կարմիր Շուկա համայնքում՝ հոկտեմբերի 2-ին, Շուշիում՝ հոկտեմբերի 4-ին, Ասկերանում՝ հոկտեմբերի 8-ին և Ստեփանակերտում՝ հոկտեմբերի 10-ին կկազմակերպվեն գիտագործնական կոնֆերանսներ՝ բուսաբուծության, անասնաբուծության, ոռոգման համակարգերի ու տեխնոլոգիաների, սննդամթերքի անվտանգության ու ագրովերամշակման վերաբերյալ, իսկ հոկտեմբերի 12-ին մայրաքաղաքում տեղի կունենա կոնֆերանսների ամփոփիչ միջոցառումը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -40-:
