ՀՀ ԱԺ պատգամավոր Թևան Պողոսյանն այսօր մամուլի ասուլիսին անդրադառնալով ԵԽԽՎ ձմեռային նստաշրջանին և հակահայկական երկու բանաձևերից մեկի մերժմանը և մյուսի ընդունմանը` նշելով, որ Հայաստանը դասեր քաղելու խնդիր ունի:
Չպետք է թույլ տանք, որ Սարսանգի մասին ԵԽԽՎ բանաձևը մեզ համար լինի գլխացավանք, իսկ Ադրբեջանի համար՝ հիմք. Թևան Պողոսյան
ՍՏԵՓԱՆԱԿԵՐՏ, հունվարի 30, ԱՐՑԱԽՊՐԵՍ: «Դասեր քաղելով պետք է հասկանանք, թե ԵԽԽՎ-ին անդամակցելով ինչ ենք արել այս տարիներին, որ մեր շահերը առաջ տանենք»,- ԹԵՐԹ.ամ-ի փոխանցմամբ՝ ասաց նա և նկատեց, որ մենք բանակցելու անհրաժեշտ պաշար չունենք, որ հակահայկական բանաձևերն այնտեղ ընդհանրապես տեղ չունենան:
Ըստ նրա՝ պետք է ճիշտ աշխատանքով չեզոքացնենք Սարսանգի ջրամբարի վերաբերյալ ընդունած բանաձևը: «Կարելի է ասել, որևէ կարևորություն չունի այդ զեկույցը, սակայն ունենք աշխատելու տեղ, պետք չէ թևաթափ լինել»,- ասաց նա և նշեց, որ մենք արդեն միասնական աշխատանք տանելու լավագույն փորձն ունենք և դրանով պետք է թույլ չտալ, որ վատ իրավիճակ ստեղծվի:
«Ադրբեջանին այդ զեկույցները պետք են լինելու հղումների համար: Ադրբեջանը հասկանում է, որ այդ զեկույցով վաղը ինքը չի հայտնվելու Սարսանգի ափերին: Պետք է աշխատենք, որ թո վանք և նրանց համար հարցեր լուծելու հիմք »-ասաց նա։
Պատգամավորը նաև նշեց, որ պետք է մտածել, թե ինչ պետք է անել այսուհետ: Թևան Պողոսյանը նկատեց, որ ՄԱԿ-ի չորս բանաձևերում բոլոր կոչերը Ադրբեջանին են ուղղված, և դա Հայաստանը ևս կարող է օգտագործել: