Վրաստանի վարչապետ Իրակլի Ղարիբաշվիլինի օգոստոսի 21-22-ին պաշտոնական այցով Հայաստան է այցելելու:
Վրաստանի վարչապետը Հայաստանում կքննարկի վիզային ռեժիմի մասին հարցը
Վրաստանի վարչապետ Իրակլի Ղարիբաշվիլիի օգոստոսի 21-22-ին պաշտոնական այցով Հայաստան է այցելելու: Վրացական աղբյուրների հաղորդմամբ՝ նա հանդիպելու է Հայաստանի նախագահ Սերժ Սարգսյանի եւ վարչապետ Հովիկ Աբրահամյանի հետ:
Ինչպես հաղորդում է «Արցախպրես»-ը, վկայակոչելով NEWS.am-ին, hանդիպման ընթացքում քննարկվելու են քաղաքական ու տնտեսական հարցեր: Հատուկ ուշադրություն է դարձվելու Վրաստանի կողմից Եվրամիության հետ Ասոցացման համաձայնագրի ստորագրումից եւ Մաքսային միությանը Հայաստանի անդամակցությունից հետո ստեղծված իրավիճակին: Կողմերը մտադիր են քննարկել առաջացող հակասություններն ու փոխգործակցության ընդունելի ձեւաչափ գտնելը:
Բացի այդ, Հայաստանը ծրագրում է հարց բարձրացնել՝ կապված սեպտեմբերի 1-ից Հայաստանի հետ վիզային ռեժիմ սահմանելու Վրաստանի մտադրության մասին:Դրա վերաբերյալ, ինչպես նախկինում հաղորդում էին, հայտարարել էր Հայաստանի վարչապետ Հովիկ Աբրահամյանը. «Մենք բանակցությունների օրակարգում ներառել ենք Վրաստանի հետ վիզային ռեժիմի հարցը»։
Ավելի վաղ վրացական լրատվամիջոցները հաղորդում են, որ 2014 թվականի սեպտեմբերի 1-ից օտարերկրացիները՝ անկախ քաղաքացիությունից, ովքեր ցանկանում են Վրաստանում գտնվել ավելի քան 90 օր ուսման, աշխատանքի, գործնական գործունեություն իրականացնելու կամ ընտանիքի հետ վերամիավորվելու նպատակով, պետք է համապատասխան վիզա ստանան վրացական դիվանագիտական ներկայացուցչությունում կամ իրենց երկրում գտնվող հյուպատոսությունում: