Artsakhpress

Մշակույթ

Ստեփանակերտում կայացել է «Վերջին բնակիչը» ֆիլմի առաջնախաղը

Ստեփանակերտի «Վալլեքս Գարդեն Սինեմա» կինոդահլիճում երեկ՝ փետրվարի 2-ին, տեղի է ունեցել արցախցի կինոռեժիսոր Ջիվան Ավետիսյանի «Վերջին բնակիչը» ֆիլմի առաջնախաղը, որին հաջորդել է մամլո ասուլիս՝ ֆիլմի ստեղծագործական խմբի հետ։

Ստեփանակերտում կայացել է «Վերջին բնակիչը» ֆիլմի առաջնախաղը

Ստեփանակերտում կայացել է «Վերջին բնակիչը» ֆիլմի առաջնախաղը

ՍՏԵՓԱՆԱԿԵՐՏ, փետրվարի 3, ԱՐՑԱԽՊՐԵՍ: «Արցախպրես»-ի թղթակցի հաղորդմամբ, անդրադառնալով ֆիլմի ստեղծման պատմությանը, Ջիվան Ավետիսյանը նշել է, որ այն ևս մեկ փորձ է՝ ցույց տալու Արցախյան ազատամարտի տարիների իրադարձությունների հետևանքները:

«Գաղափարական առումով «Վերջին բնակիչը»-ը «Թեւանիկ»-ի շարունակությունը չէ: Այն պատմություն է մարդկային հարաբերությունների մասին, որը տեղի է ունենում Արցախում՝ ադրբեջանցիների կողմից հայաթափված գյուղում: Ֆիլմը պատմում է 70-ամյա քարտաշի՝ Աբգարի մասին, ով ազգամիջյան հակամարտության արդյունքում գյուղում միայնակ է մնացել և որոնում է իր աղջկան, ով, ինչպես պարզվում է հետագայում, հոգեկան խնդիրներ ունի, քանի որ տեսել է, թե ինչպես է վայրենացած ամբոխը Սումգայիթում կրակների մեջ այրում իր ամուսնուն»,- ասել է կինոռեժիսորը և հավելել, որ ֆիլմի նկարահանումները կատարվել են իր ծննդավայրում՝ Ասկերանի շրջանի Խաչմաչ գյուղում:

Ջիվան Ավետիսյանի տեղեկացմամբ, «Վերջին բնակիչը» ֆիլմը ստեղծվել է գրող Ծովինար Խաչատրյանի «Գյուրջևանի վերջին բնակիչը» պատմվածքի հիման վրա:

Ֆիլմը ստեղծվել է 5 երկրների համատեղ արտադրությամբ՝ Հայաստան, Լիտվա, Շվեդիա, Լիբանան և ԱՄՆ, որտեղ մասնակցություն են ունեցել դերասաններ՝ Իրանից, Լիտվայից, Հունաստանից, ԱՄՆ-ից, Ռուսաստանից և Հայաստանից։

Ֆիլմի գլխավոր դերակատար Ալեքսանդր Խաչատրյանը նշել է, որ նկարահանվելու համար նա սկզբում սովորել է Ղարաբաղի բարբառը և թուրքերենը, քանի որ գլխավոր հերոսը ղարաբացի հայ է, ով ապրում է ազերիների կողմից բռնազավթված գյուղում:

«Երբ մարմնավորում էի գլխավոր հերոսին, չէի մտածում հայրենասիրության մասին, մտածում էի մարդկային ու իմ՝ հայի իրավունքների մասին, որ ես սխալ արարք չեմ անում: Ես իմ ծննդավայրն եմ պահում, ու գիտակցում էի, որ սա իմ տունն է, հողն է ու այստեղ են իմ արմատները»,- ասել է Ա. Խաչատրյանը:

Սոս Ջանիբեկյանը, ֆիլմում հանդես գալով թուրքի դերում, նշել է, որ այդ կերպարը մարմնավորելը հոգեբանական առումով իր համար շատ դժվար է եղել:

«Դաստիարակությանս, մտածողությանս և արյանս մեջ ատելություն ունենալով թուրքի հանդեպ՝ պետք է վերամարմնավորեի ու ստեղծեի մի կերպար, որը լինի շնչող մարդ: Դրա համար առաջին հերթին պետք էր հասկանալ իրեն, արդարացնել ու կարողանալ հասկանալ ինչո՞ւ է նա դարձել այդպիսին: Իրականում բարի կամ չար լինելը մեր որոշումներն են, որոնք հարաբերական են, և, իհարկե, մենք էլ թշնամու համար ենք չար»,- ասել է Ս. Ջանիբեկյանը:

Ֆիլմից ստացած տպավորությունների մասին ԼՂՀ մշակույթի և երիտասարդության նախարար Նարինե Աղաբալյանն ասել է, որ Ջիվան Ավետիսյանն ունի ուրույն ռեժիսորական ձեռագիր և նրա ֆիլմերը առանձնանում են բարդ սյուժետային կառուցվածքով և կարողանում են հանդիսատեսին լարված պահել մինչև ֆիլմի ավարտը:

«Ջիվան Ավետիսյանը տաղանդավոր կինոռեժիսոր է, ով անցյալի պատմությունները կարողանում է շատ լավ ներկայացնել ներկայի մեջ՝ կարևոր ուղերձներ տալով նաև ապագայի համար: Խիստ կասկածում եմ, որ Ադրբեջանում նման ֆիլմի արտադրությունը և ցուցադրությունը հնարավոր է, քանի որ այն մեկ անգամ ևս փաստում է մեր հանդուրժողականության, մարդասիրության և մարդկային շատ այլ բարձր արժեքների մասին, որոնց մենք ենք դավանում»,- ավելացրել է Ն. Աղաբալյանը:

Նշենք, որ  «Վերջին բնակիչը»  ֆիլմի   ցուցադրությունը  Ստեփանակերտի    «Վալլեքս Գարդեն Սինեմա» կինոդահլիճում, կշարունակվի   մինչև  փետրվարի  վերջ:


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Էլեկտրաէներգիայի սակագների փոփոխության վերաբերյալ որոշումն ուժը կորցրած է ճանաչվել. Հայկ Խանումյան

Ադրբեջանական սադրանքի հետևանքով հայկական կողմն ունի 3 զոհ․ ՀՀ ՊՆ

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ՀՀ ԳՇ պետի տեղակալ

Ռուսական ուժերը ոչնչացրել են «Բայրաքթար» դրոնների կառավարման վերերկրյա կայանը

ՀայՓոստ նշած բոլոր շահառուների դրամական աջակցության փոխանցումները կատարվել են. ԱՀ բնակարանային հարցերի կոմիտե

Ադրբեջանի ԶՈւ-ն ականանետերի և խոշոր տրամաչափի հրաձգային զինատեսակների կիրառմամբ կրակ է բացել հայ-ադրբեջանական սահմանի արևելյան ուղղությամբ

Անվտանգության խորհրդի նիստում Արցախի հարցով միաձայն հայտարարություն է ընդունվել

Համայնքի տարածքում բացօթյա առևտրի թույլտվության համար սահմանվել է օրական 100-350 դրամի չափով տեղական տուրք

Փայլանը՝ Թուրքիայի իշխանություններին․ «Նախ ներողություն խնդրեք հայերից, քրդերից և ասորիներից»

Search