«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը խոսել է «Լեսթեր Սիթիի» դեմ առաջիկա դիմակայության մասին:
Հենրիխ Մխիթարյան. Ֆուտբոլում ավելի հեշտ է դառնալ չեմպիոն, քան պաշտպանել տիտղոսը
ՍՏԵՓԱՆԱԿԵՐՏ, փետրվարի 5, ԱՐՑԱԽՊՐԵՍ: «Ֆուտբոլում ավելի հեշտ է դառնալ չեմպիոն, քան պաշտպանել տիտղոսը: Անցած մրցաշրջանում տեղի ունեցավ հրաշք: Սպասելի չէր, որ «Լեսթեր Սիթին» կլինի այսքան ցածր տեղում, բայց դա ոչինչ չի նշանակում, քանի որ ամեն թիմ գործադրում է վերջին ջանքը հաղթանակի համար: Ամեն խաղ, նոր խաղ է: Նախորդ խաղում մենք ոչ ոքի խաղացինք, բայց մենք շարունակում ենք մեր աշխատանքը եւ ձգտելու ենք միայն 3 միավորի: Անհամբեր սպասում ենք «Լեսթերի» դեմ հանդիպմանը:
Այստեղ ֆուտբոլն ավելի արագ է, ֆիզիկական է, շատ են անհատական բարձր որակներով խաղացողները, ընդամենը մեկ հարվածը, մեկ դրվագը կարող է վճռել հանդիպման արդյունքը: Մրցակցությունը թիմերի եւ խաղացողների միջեւ սուր է:
Ձգտելու ենք խաղալ հարձակողական ֆուտբոլ, վերահսկել գնդակը, ցուցադրել գեղեցիկ ֆուտբոլ եւ հաղթել: Մենք վերլուծել ենք մեր խնդիրները եւ հասկանում ենք, որ ինչ-որ բան այն չէ, եթե չենք հաղթում»,- NEWS.am Sport-ի փոխանցմամբ՝ ասել է Հենրիխ Մխիթարյանը MUTV-ին:
Անգլիայի առաջնության 24-րդ տուրի «Լեսթեր Սիթի» - «Մանչեսթեր Յունայթեդ» հանդիպումը կմեկնարկի Երեւանի ժամանակով 20:00-ին:
«Լեսթեր Սիթին» 23 խաղից հետո 21 միավորով 16-րդն է, «Մանչեսթեր Յունայթեդը» 42 միավորով 6-րդն է: