Մի խումբ եվրախորհրդարանականներ, որոնք մայիսի 22-ին մասնակցել են Մարկ Ցուկերբերգի մասնակցությամբ կայացած ունկնդրումներին, հիասթափվել են նրա պատասխաններից՝ կարծիք հայտնելով, որ Facebook-ի ղեկավարը չի կարողացել իրենց համոզել սոցցանցի գործունեությունը փոխելու ընկերության ձգտման եւ հնարավորությունների հարցում:
Ցուկերբերգի հետ հանդիպումը հուսախաբ Է արել Եվրախորհրդարանի պատգամավորներին
ՍՏԵՓԱՆԱԿԵՐՏ, մայիսի 23, ԱՐՑԱԽՊՐԵՍ-ԱՐՄԵՆՊՐԵՍ: Եվրախորհրդարանում խորհրդարանական խմբակցութունների ղեկավարների հետ Ցուկերբերգի հանդիպումը տեղի Է ունեցել մայիսի 22-ին: Հանդիպման ընթացքում Facebook-ի ղեկավարը փորձել Է պատգամավորներին հանգստացնել օգտատերերի անձնական տվյալների ապահովության հարցում՝ հայտարարելով, որ ընկերությունն արդեն ոչ հուսալի հավելվածների մաղման միջոցներ Է ձեռնարկել, փոխել Է խնդրահարույց կոնտենտի հակազդման համակարգը եւ ստեղծում Է գաղտնիության ապահովման նոր գործիքներ:
«Այն, ինչ այսօր ներկայացրեց Ցուկերբերգը, առանձնապես համոզիչ չԷր»,- հանդիպումից հետո լրագրողներին հայտարարել Է Եվրախորհրդարանում «Եվրոպայի ժողովրդական կուսակցության»՝ ամենաազդեցիկ խմբակցության ղեկավար Մանֆրեդ Վեբերը: «Նա չկարողացավ երաշխավորել, որ Cambridge Analytica-ի հերթական սկանդալը մոտ ժամանակներս չի կրկնվի»,- կարծում Է եվրապատգամավորը: Վեբերը նաեւ նշել Է, որ Ցուկերբերգը չպատասխանեց առաջադրված բոլոր հարցերին:
Եվրոպայի պահպանողականների եւ ռեֆորմիստների խմբակցությունը նույնպես նշել Է, որ Ցուկերբերգը գերադասել Է խուսափել որոշ անհարմար հարցերից: Հանուն Եվրոպայի լիբերալների եւ դեմոկրատների դաշինքի խմբակցության տարածած հայտարարության մեջ ասված Է, որ «Ցուկերբերգի պատասխաններն ադեկվատ չԷին, իսկ Facebook-ի օգտատերերը, որոնց տվյալներն օգտագործվել են ոչ պատշաճ կերպով, փոխհատուցում ստանալու իրավունք ունեն», հաղորդել Է ՌԻԱ Նովոստին:
