ՍՏԵՓԱՆԱԿԵՐՏ, սեպտեմբերի 27, ԱՐՑԱԽՊՐԵՍ:  «Արցախպրես»-ի   թղթակցի  հաղորդմամբ՝ բնակարանամուտին ներկա էին «Թուֆենկյան» հիմնադրամի գործադիր  տնօրեն Րաֆֆի Դուդակլյանը, Արցախի գրասենյակի տնօրեն Էդիկ Գրիգորյանը,         հիմնադրամի աջակիցներ  և  համագյուղացիներ:

Բնակարանի   բացման  պատիվը  տրվել  է  Փափագ  և  Աննա  Ստեփանյանների    երեխաներին:

Լոս  Անջելեսից   Արցախ   ժամանած  բնակարանի    վերակառուցման   աշխատանքների   հովանավոր Լիզա  Գրիգորյանը, ով  հանդիսանում  է  հիմնադրամի հիմնական նվիրատուներից  մեկը,  մեզ   հետ  զրույցում   ասել է,  որ    իր տատն  և  պապը   արմատներով   Հայաստանից  են:  Իր  տատիկ  Հասմիկը   և   պապիկ Ջոնը  դեռևս   1992-93  թվականներին գալիս  էին   Արցախ՝  զինվորների  համար բերելով կոշկեղեն, հագուստ  և  այլ    անհրաժեշտ  իրեր:

«Նրանց  մահից  հետո    ես   շարունակում  եմ    նվիրատվություններ  իրականացնել Արցախում  և  Հայաստանում: Նրանց  հիշատակին    ստեղծել  եմ  «Ջոն  և Հասմիկ Մկրտչյաններ»  հիմնադրամը, որի  գումարները  փոխանցվում  են    տատիկիս  ու   պապիկիս  ժամանակին    ստեղծած   բիզնեսից: Արցախում    հովանավորել  եմ   մի  շարք  բնակարանների, դպրոցների,  կլինիկաաների, եկեղեցիների կառուցման  և  վերակառուցման  աշխատանքներ:    Ես  առաջին  անգամ  Արցախ  եմ  այցելել   1985  թվականին»,-ասել է   Լ.  Գրիգորյանը:

Փափագ   Ստեփանյանի     խոսքով՝ ինքն  իր   ընտանիքով   ՀՀ  Եղեգնաձոր  քաղաքից  1998  թվականին   տեղափոխվել  և  վերաբնակեցվել   է   Քաշաթաղի   շրջանի  Վան  գյուղում:

 

«Մեր  բնակարանի   վերակառուցման  աշխատանքները  սկսել  ենք   2018  թվականի   օգոստոսի  15-ից:   20  տարի    շարունակ  ապրել  ենք   քանդված, կենցաղային   տարրական  պայմաններ    չունեցող  տան:  Այսօր  արդեն   ունենք    նորոգված, հարմարավետ    պայմաններ  ունեցող   բնակարան:  Այս  բնակարանում   ես  ապրում  եմ  կնոջս, երկու   երեխաներիս  և  մայրիկիս  հետ: Աշխատում եմ    հիմնադրամի   կողմից   մեր   գյուղում   հիմնած    արքայանարնջի  այգում»,-տեղեկացրել   է  Փ.  Ստեփանյանը:

Կինը՝    Աննան     ևս   իր   գոհունակությունն  ու  շնորհակալությունն   է   հայտնել   «Թուֆենկյան» բարեգործական հիմնադրամի   անձնակազմին,  նվիրատուներին, ովքեր   պատրաստ  են  օգնելու  Արցախում   ապրող  յուրաքանչյուր   կարիքավոր   ընտանիքի:

 Համայնքի   ղեկավար   Էդիկ  Մարկոսյանն  էլ  ասել   է,  որ  տան  վերակառուցումը    «Թուֆենկյան»   հիմնադրամի     առաջին  աշխատանքներից   է    համայնքում:

Նա    նշել  է, որ   վերակառուցված  բնակարանն  իրենց  համայնքի   ամենաանմխիթար   վիճակում   գտնվող  տներից   էր:  Այն  այսօր   վերափոխվել   և  նոր  տեսք   է ստացել, որի  հա մար  ինքը  համայքի  բնակիչների  անունից   երախտագիտություն    է   հայտնել  բոլոր  այն   ներդնողներին, ովքեր    բարեգործական  նման   ծրագրեր  են  իրականացնում  Արցախում: