Այսօր Արցախի պետական համալսարանի դահլիճում տեղի ունեցավ մեծատաղանդ մանկավարժ Կոնստանտին Դմիտրևիչ Ուշինսկու ծննդյան 190- ամյակին նվիրված միջոցառում, որին ներկա էին ԱրՊՀ ռեկտոր Մանուշ Մինասյանը, մանկավարժության ամբիոնի դասախոսներ և ուսանողներ:
Արցախի պետական համալսարանը նշեց ռուս մեծ մանկավարժ Կ. Դ. Ուշինսկու ծննդյան 190- ամյակը
Այսօր Արցախի պետական համալսարանի դահլիճում տեղի ունեցավ մեծատաղանդ մանկավարժ Կոնստանտին Դմիտրևիչ Ուշինսկու ծննդյան 190- ամյակին նվիրված միջոցառում, որին ներկա էին ԱրՊՀ ռեկտոր Մանուշ Մինասյանը, մանկավարժության ամբիոնի դասախոսներ և ուսանողներ:Միջոցառումը կազմակերպել էր մանկավարժության ամբիոնը:
«Արցախպրես»-ի թցթակցի տեղեկացմամբ՝ միջոցառման սկզբում ներկայացվեցին մեծ մանկավարժի կյանքն ու գործունեությունը, նրա ասույթներով հանդես եկան ուսանողները, ապա «Ուշինսկին և հայ իրականությունը», «Ուշինսկու մանկավարժական հայացքները» թեմաներով մատուցվեցին դասախոսություններ:
Ի ականջ եւ ի պատգամ բոլորի՝ հնչեց Ուշինսկու հանրահայտ խոսքը մայրենիի մասին.«Ուսումնասիրելով մայրենի լեզուն` միայն պատմական հնչյուններ չէ, որ սովորում է երեխան, այլև հոգևոր կյանք և ուժ է ըմպում մայրենի լեզվի մայրական կրծքից»: Ցուցադրվեց Ուշինսկու լուսանկարների մի պատկառելի շարք. որոնցում նա պատկերված է իր ժամանակի մեծ մտածողների հետ:
Կ. Ուշինսկին ոչ միայն հայտի մանկավարժ էր, այլեւ կարճ պատմվածքների հեղինակ: Ուսանողները կարդացին նրա «Մեղուներն ու ճանճերը», «Արջն ու գերանը», «Առավոտվա շողը», «Սագն ու արագիլը», «Չորս ցանկություն» ստեղծագործությունները, ապա երգվեց նրա հեղինակած «Երեկոյան երգ»-ը:
Հանդես գալով միջոցառմանը, համալսարանի մանկավարժության ամբիոնի դեկան Արզիկ Մխիթարյանը մասնավորապես շեշտեց այն միտքը, որ Ուշինսկին առաջին հերթին սովորեցնում է սիրել հայրենիքը, որն անփոխարինելի է՝ ինչպես մայրը: Չէ՜ որ պատահական չէ Մայր Հայրենիք համադրությունը՝ վերջում հավելեց բանախոսը:
