«Ադրբեջանի սահմանամերձ շրջանների բնակիչները միտումնավոր զրկված են ջրից» Սարսանգի ջրամբարին վերաբերող զեկույցի հեղինակ, բոսնիացի պատգամավոր Միլիցա Մարկովիչը ԵԽԽՎ սոցիալական հանձնաժողովի նիստին առանձնացավ աննախադեպ ցինիզմով:
Սարսանգի հարցը ԵԽԽՎ հունվարյան նստաշրջան մտցնելով՝ Մարկովիչը կատարեց իր պարտքը Ադրբեջանի առաջ. Վ. Բաբայան
ՍՏԵՓԱՆԱԿԵՐՏ, նոյեմբերի 24, ԱՐՑԱԽՊՐԵՍ։ Այս մասին Tert.am–ի հետ զրույցում մեկնաբանեց ԵԽԽՎ սոցիալական հանձնաժողովի անդամ Վահան Բաբայանը։
«Միլիցա Մարկոչվիչն իրեն ուղղակի ցինիկ պահեց և բոլոր հորդորներին, որ բոլոր հորդորներին, որ ուղղակի անթույլատրելի է առանց Սարսանգ ու Լեռնային Ղարաբաղ այցելելու, ջրամբարը տեսնելու զեկույց գրել այդ մասին, անդրդվելի կերպով պատասխանեց, որ ինքը պնդում է, որ զեկույցը մտնի հունվարյան նստաշրջան»,– ասաց նա:
Նշենք, որ ԵԽԽՎ սոցիալական հանձնաժողովի նիստում «Ադրբեջանի սահմանամերձ շրջանների բնակիչները միտումնավոր զրկված են ջրից» Սարսանգի ջրամբարին վերաբերող զեկույցը ԵԽԽՎ հունվարյան նստաշրջանի օրակարգ ներառվել է ձայների 16 կողմ, 9 դեմ հարաբերակցությամբ:
Ապրիլին ԵԽԽՎ պատգամավորի լիազորությունները ցած դնող Միլիցա Մարկովիչի այս պահվածքը, ըստ Վահան Բաբայանի մեկնաբանության, վկայում է այն մասին, որ տիկինը պետք է աներ հնարավորը մինչև լիազորությունների ավարտը իր պարտքը Ադրբեջանի առաջ կատարելու համար, ինչը և Մարկովիչն արեց։
