Artsakhpress

Հասարակական

Ստեփանակերտի «Թումո» կենտրոնում կայացել է ինֆոգրաֆիկայի աշխատանքների շնորհանդես

Ստեփանակերտի «Թումո» ստեղծարար տեղեկատվական տեխնոլոգիաների կենտրոնում կայացել է տվյալների վիզուալիզացիայի (մտավոր պատկերացում) ու ինֆոգրաֆիկայի աշխատարանի աշխատանքների շնորհանդես:

Ստեփանակերտի «Թումո» կենտրոնում կայացել է ինֆոգրաֆիկայի աշխատանքների շնորհանդես

Ստեփանակերտի «Թումո» կենտրոնում կայացել է ինֆոգրաֆիկայի աշխատանքների շնորհանդես

ՍՏԵՓԱՆԱԿԵՐՏ, 9 հուլիսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ շնորհանդեսին Ստեփանակերտի «Թումո» ստեղծարար տեղեկատվական տեխնոլոգիաների կենտրոնի ղեկավար Կորյուն Խաչատուրյանը ողջունելով ներկաներին, ներկայացրել է «Պանարմենիան մեդիա գրուպ» ընկերության գլխավոր դիզայներ, տվյալների վիզուալիզացիայի մասնագետ, բլոգեր Սեդրակ Մկրտչյանին, ով ընթացիկ տարվա հունիսի 8-ից կենտրոնում հանդես է եկել  տվյալների վիզուալիզացիայի (մտավոր պատկերացում) ու ինֆոգրաֆիկայի մասին դասախոսությամբ: 

«Այսօրվա շնորհանդեսին վիզուալիզացիայի և ինֆոգրաֆիկայի աշխատարան հաճախող ուսանողները ցուցադրել են 15 օրվա արդյունքները»,-նշել է Կ.  Խաչատուրյանը:

Իր խոսքում Ս. Մկրտչյանը գոհացուցիչ է համարել դասընթացի արդյունքները:

«Ինֆոգրաֆիկան ինֆորմացիայի և տվյալների գրաֆիկորեն վիզուալ ներկայացման մի ձև է, որն արագ և պարզ ամբողջական տեղեկատվությունը ներկայացնելու հնարավորություն է տալիս։ Ինֆոգրաֆիկան կարող է շատ արդյունավետ գործիք հանդիսանալ, սակայն չպետք է մոռանալ, որ նրա հիմնական իմաստը տվյալների և տեղեկատվության տրամադրումն է»,-պարզաբանել է Ս. Մկրտչյանը և ընդգծել, որ Արցախի երեխաները բավականին խելացի ու բանիմաց են ու ամենակարևորը մեծ սիրով ու հետաքրքրությամբ են մասնակցել դասընթացին։

Վերջում աշխատարանի ուսանողներն ըստ խմբերի ներկայացրել են իրենց ստեղծած ինֆոգրաֆիկ աշխատանքները և սլայդ-շոուների տեսքով ցուցադրել:

Աշխատարանի դասընթացի   մասնակից   Մարգարիտա Պետրոսյանը մեզ հետ զրույցում նշել է, որ մեծ սիրով ու հետաքրքրությամբ է հաճախել դասընթացներին և բավականին գիտելիքներ ձեռքբերել:

«Դասընթացներից ստացած գիտելիքների արդյունքում տարբեր ոլորտներում կարող ենք լուրջ հաջողությունների հասնել լրատվական, քարոզչական և տվյալների վիզուալիզացիայի բնագավառներում: Փորձելու ենք մեր շուրջը տեղի ունեցող իրադարձությունները ներկայացնել ինֆոգրաֆիկայի միջոցով՝ ավելի հանրային դարձնելու համար` օգտագործելով վիճակագրական ու պատմական փաստեր»,-ասել է Մ. Պետրոսյանը:


Արմինե Վարդանյանը, ով աշխատելով «Թումո»-ում, որպես ուսուցանող մարզիչ ևս մասնակցել է աշխատարանի դասընթացներին, իր խոսքում նշել է, որ դասընթացը շատ հետաքրքիր էր:

«Դպրոցական դասագրքերում հանդիպել ենք ինֆոգրաֆիկական պատկերների և մեզ միշտ հետաքրքիր է եղել, թե դրանք ինչպես են ստեղծվում: Դասընթացի թե´ մեթոդը և թե´ մոտեցումները յուրատիպ էին:

Ս. Մկրտչյանը մեզ բավականին մանրամասն ու հետաքրքիր ներկայացրեց տեսականը, որից հետո կարողացանք յուրացնել նաև գործնական մասը»,-նշել է Ա. Վարդանյանը:


     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Ասկերանի շրջանի բնակիչը ձիով պայթել է հակահետևակային ականի վրա

Հզոր երկրաշարժ` Իրանում. այն զգացվել է Սյունիքի, Վայոց Ձորի, Արարատի մարզերում եւ Երեւանում

Արայիկ Հարությունյանը Արցախում կխրախուսի հարսանիքի՝ որպես նախնիներից եկած հաճելի ու պարտավորեցնող արարողության պահպանումը

Հայաստանն առաջարկել է փրկարարարական ուժեր ուղարկել Իրանի երկրաշարժի գոտի

Արցախցի մարզիկը դարձել է աշխարհի չեմպիոն. այսօր նրան դիմավորել են Ստեփանակերտում

Ստեփանակերտում կազմակերպվել է ֆլեշ մոբ

Զինծառայողի մահվան դեպքի առթիվ քննվող քրեական գործով ձերբակալվել է ծառայակիցը

«Ձա՛յն տուր, ո՜վ ծովակ». հայուհու կատարումը հիացրել է Ռուսաստանի «Ձայնը» շոուի ժյուրիի անդամներին. Տեսանյութ

Արայիկ Հարությունյանն առաջադրվել է նախագահի թեկնածու. կայացել է «Ազատ Հայրենիք» կուսակցության համագումարը

Search